Jeppe Hansen skrifar undir hjá Keflavík.
Danski framherjinn Jeppe Hansen hefur skrifað undir tveggja ára samning við Keflavík.
Daninn, oft kallaður Jeppinn, kemur til félagsins frá KR en þar á undan spilaði hann með Stjörnunni en þar varð hann Íslandsmeistari árið 2014 og skoraði hann sex mörk í níu leikjum það tímabil.
Hann skoraði alls 18 mörk í 44 leikjum hjá Stjörnunni. Daninn fékk hins vegar lítið að spila í sumar og fór hann að lokum til KR en Hólmbert Aron Friðjónsson fór í hina áttina.
Hansen gekk ekki sérlega vel hjá KR en hann skoraði aðeins eitt mark í tíu leikjum í Vesturbænum og hefur hann því skorað 19 mörk í 54 leikjum hér á landi.
Keflavík ætlar sér stóra hluti í Inkasso deildinni á næsta ári en þeim mistókst að komast upp í Pepsi-deildina í ár eftir að hafa fallið í fyrra og verður Jeppe að öllum líkindum lykilmaður í þeirri baráttu.
Guðlaugur Baldursson var ráðinn sem þjálfari Kelfavíkur fyrr í mánuðinum og eru Keflvíkingar eflaust orðnir spenntir fyrir næsta sumri.
Athugasemdir
