Hér að ofan má sjá klippu þar sem Eiður ræðir um erfið meiðsli sem hann lenti í þegar hann spilaði með U19 landsliði Íslands. Hann var þá samningsbundinn hollenska stórliðinu PSV Eindhoven.

Eiður var lengi frá og óttast var að ferill hans myndi aldrei ná flugi. Annað kom þó á daginn eins og allir vita og Eiður átti eftir að spila fyrir Chelsea og Barcelona.

Í klippunni talar Eiður einnig um svimaköst sem hann var að glíma við sem leikmaður með Chelsea.

Meira um DVD diskinn - „Jökullinn logar"
„Eftir tveggja ára tökur með landsliðinu í knattspyrnu stóðum við uppi með 200-300 klst af myndefni. Eftir gríðarlega klippivinnu sem Sævar Guðmundsson og Úlfur Teitur Traustason báru hitann og þungan af stóð fyrsta útgáfa af kvikmyndinni Inside a Volcano / Jökullinn logar í fjórum og hálfri klukkustund," segir Sölvi Tryggvason, sem fylgdi strákunum í gegnum undankeppnina, á Facebook-síðu sinni.
„Til þess að allar þessar myndir, töku- og klippivinna, færu ekki algjörlega í súginn var bara einn kostur í stöðunni - en það var að koma þessu á DVD. Þar eru margar sögur sem sem einfaldlega verða að vera til, fyrir utan þá staðreynd að við erum enn að reyna að koma myndinni réttum megin við núllið."

Klippan hér að ofan er meðal þess efnis sem finna má sem aukaefni á DVD-disknum.

Sjá einnig:
Eiður Smári náði að bregða landsliðsmönnum
Elmari skipað í klippingu og á djammið