Niðurtalningin - Tveir vendipunktar síðasta sumar
Niðurtalningin - Eitthvað nýtt og miklu stærra
Aldrei heim - Horfum ekki á E-riðilinn á EM
Niðurtalningin - Hverfisstrákarnir úr Árbænum
Aldrei heim - Kjartan Henry fékk góða gjöf frá Úkraínumanni
Aldrei heim - Formaðurinn í takkaskónum
Niðurtalningin - Sama uppskrift og í fyrra
Aldrei heim - Landsliðið komið til Póllands
Útvarpsþátturinn - Jói Kalli, Bjarki Már og Elvar Geir um landsliðið
Beint frá Búdapest - Hetjan sem mátti ekki tala
Beint frá Búdapest - Áfall að morgni leikdags
Viktor Unnar: Fann strax að þetta er eitthvað sem á við mig
Aron Jó: Cole Campbell tekur sínar eigin ákvarðanir
Hugarburðarbolti Þáttur 8
Beint frá Búdapest - Skiptar skoðanir á ákvörðuninni um Albert
Hákon Rafn - Umspilið og leiðin til Brentford
Enski boltinn - Töfrar í bikarnum
Útvarpsþátturinn - Landsliðsvalið fyrir bardagann í Búdapest
Hugarburðarbolti Þáttur 7
Gylfi mættur í Val - Lyftir deildinni upp um nokkrar hæðir
   mán 30. janúar 2017 15:35
Elvar Geir Magnússon
Íslenskir leikmenn sýna sig í Showcase leik
Jóna Kristín og Brynjar.
Jóna Kristín og Brynjar.
Mynd: Fótbolti.net - Elvar Geir Magnússon
Mynd: Soccer and education
„Möguleikarnir í Bandaríkjunum að fara lengra eru meiri en fólk heldur. Stóru skólarnir úti eru gríðarlegur stökkpallur til að fara lengra í fótbolta. Ofan á það nærðu í menntun," segir Brynjar Benediktsson.

Brynjar og Jóna Kristín Hauksdóttir mættu í útvarpsþáttinn Fótbolti.net en þau eru með fyrirtækið Soccer and Education USA sem hjálpar strákum og stelpum að komast á fótboltastyrk í háskólum í Bandaríkjunum.

Brynjar segir að möguleikarnir sem skapast í háskólaboltanum í Bandaríkjunum séu meiri en fólk geri sér grein fyrir það.

„Ég tel að á næstu þremur til fimm árum muni leikmaður sem fer út á okkar vegum fara beint í atvinnumennsku. Það eru njósnarar á öllum leikjum þarna. Ef þú ert Íslendingur er meira tekið eftir þér en öðrum. Það er töff að vera Íslendingur eftir Evrópumótið," segir Brynjar.

„Við erum að opna augun fyrir því að þetta er ekki endastöð heldur eykur þetta að okkar mati möguleikana á að ná lengra í fótbolta."

Kvennaknattspyrnan er sífellt að stækka á heimsvísu en hún er gríðarlega stór í Bandaríkjunum.

„Stelpumegin er fótbolti stærsta íþróttin þarna. Okkar bestu leikmenn hafa verið að fara út í þessa bestu skóla. Maður er í sjokki þegar maður sér aðstöðuna þarna, það er allt til alls þarna og allt gert til að hjálpa þér að aðlagast. Stelpumegin er þetta bara atvinnumennska. Þú ert að fá allt greitt og upphæðirnar eru rosalegar," segir Jóna.

Í kringum 20 háskólaþjálfarar verða hér á landi um næstu helgi en þá stendur Soccer and Education USA fyrir sérstökum „Showcase" leikjum fyrir stráka sem eru sýningarleikir þar sem þjálfararnir leita að leikmönnum.

„Það verða sennilega þrjú lið frá okkur og liðin eru að fara að spila innbyrðis. Þetta er þekkt fyrirbæri í Evrópu en nýtt á Íslandi. Það er gríðarlegt tækifæri fyrir þessa stráka að fá að sýna sig fyrir þessum skólum," segir Brynjar en leikið verður í Reykjaneshöll.

Hlustaðu á umræðuna um bandaríska háskólaboltann í heild sinni í sjónvarpinu hér að ofan.

Sjá einnig:
Hlustaðu gegnum Podcast forrit
Athugasemdir
banner
banner
banner