„Ég veit ekki hvort ég verði valinn. Aðrir leikmenn í hópnum eru að spila með stærri liðum en ég. Ég vonast til að vera valinn en við sjáum til," sagði Avni við Fótbolta.net í gær.

„Ég er ánægður með alla landsleiki sem ég spila og ég vonast til að spila. Ég þekki leikmenn í íslenska liðinu og vonast eftir að verða valinn."

Kosóvó er með eitt stig eftir fjóra leiki í riðlinum á meðan Ísland er með sjö. Avni er bjartsýnn á að Kosóvó geti náð að gera góða hluti í leiknum eftir tæpar tvær vikur.

„Ísland er vel skipulagt lið sem hefur spilað talsvert lengi saman. Við erum með nýtt lið og þetta tekur tíma fyrir okkur. Ég tel að við getum komið Íslandi á óvart."

Hér að ofan má sjá Pepa spjalla um leik Kosóvó og Íslands.

Hér að neðan má síðan sjá viðtal við hann um leik ÍBV og Leiknis R. í Lengjubikarnum í gær en þar fékk hann að líta rauða spjaldið.