Fylkir tók á móti KR í Lengjubikarnum á Fylkisvelli í dag.

Þetta var þriðja umferð mótsins en Fylkir hafði ekki unnið í fyrstu tveimur leikjum sínum á meðan KR var með einn sigur og eitt jafntefli.

Það stefndi allt í markalaust jafntefli í Árbænum þangað til á 88. mínútu þegar Ásgeir Örn Arnþórsson kom heimamönnum yfir.

Fleiri urðu mörkin ekki og eru bæði lið nú með fjögur stig í öðrum riðli A-deildar. ÍBV trónir á toppi riðilsins með 7 stig.