„Ég hef reynt að gera eins og ég get en ég hef aðallega bara verið í Playstation," sagði Ólafur Karl við Fótbolta.net í dag en óvíst er hvenær hann snýr aftur inn á völlinn.

„Þetta verður að koma í ljós. Þú verður bara að tala við Friðrik (Ellert Jónsson, sjúkraþjálfara). Eins og þetta hefur verið þá er ekkert víst að ég komi inn fyrr en í lok móts."

Hinn 24 ára gamli Ólafur Karl var í algjöru lykilhlutverki þegar Stjarnan varð Íslandsmeistari í fyrsta skipti árið 2014. Ólafur skoraði þá ellefu mörk í Pepsi-deildinni en þar á meðal skoraði hann bæði mörkin gegn FH í lokaumferðinni.

Eftir sumarið var Ólafur Karl í ótrúlegu viðtali á Fótbolta.net þar sem hann fór yfir leiðina í áttina að titlinum.