Alfreð Finnbogason er allur að koma til.
„Það var náttúrulega frábært. Það er frábær tilfinning að vera aftur kominn á völlinn og það skemmdi ekki fyrir að ná að skora," sagði Alfreð Finnbogason, framherji Augsburg í Þýskalandi, í viðtali í útvarpsþættinum Fótbolta.net á X-inu FM 97,7 í dag.
Alfreð spilaði á fimmtudag æfingaleik með Augsburg gegn Greuther Fürth. Alfreð skoraði mark Augsburg með þrumuskoti á 18. mínútu leiksins, en leikurinn endaði með 1-1 jafntefli.
Alfreð spilaði á fimmtudag æfingaleik með Augsburg gegn Greuther Fürth. Alfreð skoraði mark Augsburg með þrumuskoti á 18. mínútu leiksins, en leikurinn endaði með 1-1 jafntefli.
Þetta var fyrsti leikur Alfreðs síðan í október en þá fór hann af velli í leik Íslands og Tyrklands í undankeppni HM. Alfreð hefur síðan þá verið að glíma við þrálát nárameiðsli.
Hann var ekki í landsliðshópnum sem mætti Kosóvó í gær vegna þessara meiðsla. Hann horfði þó á leikinn og sá liðsfélaga sína í landsliðinu vinna Kosóvó.
„Ég náði að horfa á leikinn. Hann var mjög stressandi, en þetta var svona eins og maður bjóst við, að þetta yrði erfitt. Það var mjög mikilvægt að taka þrjú stig," sagði Alfreð um þennan 2-1 sigur Íslands.
Vikan hefur verið góð fyrir Alfreð. Hann eignaðist dóttur, spilaði sinn fyrsta leik í langan tíma og sá landsliðið vinna Kosóvó í gær.
„Þetta var mjög góð vika fyrir mig og mína fjölskyldu; maður gengur um á skýjum hérna," sagði Alfreð
Hér í spilaranum að ofan má hlusta á viðtalið í heild sinni.
Athugasemdir
