Guðmundur skoraði fallegt mark.
Selfyssingurinn Guðmundur Þórarinsson skoraði sitt fyrsta mark fyrir Norrköping þegar liðið gerði jafntefli gegn Djurgarden í markaleik í sænsku úrvalsdeildinni í dag.
Guðmundur skrifaði undir þriggja ára samning við Norrköping í febrúar, en í dag kom fyrsta markið.
Guðmundur skrifaði undir þriggja ára samning við Norrköping í febrúar, en í dag kom fyrsta markið.
Hann skoraði þriðja mark Norröping í 3-3 jafntefli gegn Djurgarden. Hann kom Norrköping í 3-2, en Djurgarden jafnaði stuttu síðar.
Markið var stórglæsilegt, en það má sjá í myndbandinu að neðan.
Guðmundur Þórarinsson byrjaði leikinn á bekknum, en kom svo inn á. Jón Guðni Fjóluson var í byrjunarliðin Norrköping, en hinn efnilegi Alfons Sampsted var allan tímann á varamannabekknum.
Hjörtur Logi Valgarðsson spilaði 90 mínútur í vinstri bakverðinum hjá Örebro í 2-1 tapi gegn Malmö og sóknarmaðurinn Árni Vilhálmsson byrjaði hjá Jönköpings Södra í 1-1 jafntefli gegn Sirius.
Hér að neðan má sjá markið, mælt er með því að horfa á það í fullri stærð.
Athugasemdir
