sun 07. maí 2017 10:00
Magnús Már Einarsson
Donni spáir í leiki 2. umferðar í Pepsi-deildinni
Donni spáir í aðra umferðina.
Donni spáir í aðra umferðina.
Mynd: Fótboti.net - Ómar Vilhelmsson
Bjarni Ólafur skorar gegn ÍA samkvæmt spá Donna.
Bjarni Ólafur skorar gegn ÍA samkvæmt spá Donna.
Mynd: Fótbolti.net - Hafliði Breiðfjörð
2. umferðin í Pepsi-deild karla hefst í dag með tveimur leikjum. Á morgun eru síðan fjórir leikir á dagskrá.

Halldór Jón Sigurðsson, Donni, spáir í leikina í 2. umferðinni en hann hefur farið vel af stað með liði Þórs/KA í Pepsi-deild kvenna í sumar.

Stjarnan 1 - 1 ÍBV (17:00 í dag)
Bæði lið vel mönnuð og vildu fá meira úr sinum fyrstu leikjum. En munu hvorugt vilja tapa þessum leik frekar en að sækja sigurinn. Atli Arnars jafnar fyrir ÍBV.

Víkingur Ó 1 - 3 KR (19:15 í dag)
KR-ingar voru slegnir niður í síðasta leik og mæta brjálaðir í Ólafsvík og vinna sannfærandi sigur. Tobias og Óskar skora en Guðmundur Steinn kemur samt sínum mönnum yfir snemma leiks.

FH 2 - 1 KA (18:00 á mánudag)
FH eru sterkir og enn sterkari í krikanum. KA menn byrjuðu vel og munu í raun gera vel í þessum leik en FH verða ofjarlar að þessu sinni.

ÍA 1 - 3 Valur (19:15 á mánudag)
Valsmenn líta mjög vel út og verða í toppbaráttunni í sumar. Skagamenn eru samt seigir og þetta verður jafn leikur fram undir síðasta korterið, þá koma tvö mörk frá Val. Bjarni Ólafur eða vélmennið skorar eftir horn, Haukur Páll og Stinni bæta svo við. En hjá gulum skorar auðvitað GG9 og byrjar sína markaskorun þetta sumarið.

Víkingur R. 3 - 2 Grindavík (19:15 á mánudag)
Þetta verður mikill markaleikur sem endar 3-2 fyrir Víkingum. Liklega skemmtilegasti leikur umferðarinnar þar sem bæði lið spila skemmtilegan fótbolta og elska að skora mörk. Viktor Bjarki með sigurmark á 94. mín.

Fjölnir 2 - 0 Breiðablik (19:15 á mánudag)
Tóti setur í gírinn og setur 2, annað úr víti. Bæði lið eiga mikið inni og munu vera fín í sumar, en Fjölnismenn taka þetta á heimavellinum að þessu sinni. Grunar að það verði læti í stúkunni því stuðningsmannasveitir liðanna munu setja í gírinn held ég.

Mundu eftir Draumaliðsdeildinni
Markaðurinn í Draumaliðsdeild Eyjabita lokar klukkan 16:00 á sunnudag. Mundu að gera breytingar í tæka tíð. Einnig er hægt að skrá ný lið til keppni!

Sjá einnig:
Tryggvi Guðmundsson - 2 réttir
Athugasemdir
banner
banner
banner