sun 07. maí 2017 12:30
Arnar Daði Arnarsson
Jón Páll spáir í 3. umferð í Pepsi-deild kvenna
Jón Páll spáir í 3. umferðina.
Jón Páll spáir í 3. umferðina.
Mynd: Fótbolti.net - Einar Ásgeirsson
Valur vinnur Breiðablik samkvæmt Jóni Páli.
Valur vinnur Breiðablik samkvæmt Jóni Páli.
Mynd: Fótbolti.net - Tomasz Kolodziejski
Í dag hefst 3. umferð Pepsi-deildar kvenna með leik Fylkis og Þór/KA í Árbænum. Tveir leikir fara síðan fram á þriðjudag og tveir á miðvikudag.

Það eru nokkrir áhugaverðir leikir í umferðinni. Til dæmis Hafnarfjarðarslagur Hauka og FH á þriðjudaginn og á miðvikudaginn mætast Breiðablik og Valur í stórleik í Kópavoginum.

Jón Páll Pálmason þjálfari Stord í Noregi spáir í spilin fyrir þriðju umferðina í dag.

Fylkir 0 - 4 Þór/KA (í dag 16:00)
Don Donni er búinn að byrja frábærlega með the drama club. Nonni hefur sagt að þetta verði upp og niður hjá Fylki. Ég vænti þess því miður fyrir Árbæinga að þetta verði niður í dag og að The Mayor geri alla spilafíklana sem ég þekki ánægða sem setja -2.5 í Asian handicap á Þór/KA. Ég set 0-4 á Nóa Björns og félaga.

ÍBV 1 - 3 Stjarnan (á þriðjudag 18:00)
Stjörnustelpurnar fengu tvo góða upphitunarleiki gegn KR og Haukum og það lítur út fyrir að þær séu að komast í gang eftir erfitt undirbúningstímabil. Eyjastelpur segjast sjálfar eiga í erfiðleikum með að trúa því að þær geti sigrað stóru liðin og þess vegna held ég að gæði Kötu setji upp 2 mörk fyrir Gummu og eitt fyrir Sigrúnu Ellu. Rut Kristjáns setur hann samt úr horni. 1-3 fyrir meistarana.

Haukar 0 - 2 FH (á þriðjudag 19:15)
Besti vinur minn að spila gegn mágkonunni. Ég sagði henni að ég myndi ekki halda með Haukum þó svo að ég væri að þjálfa þar. Sem mun aldrei gerast. Það verða ekki mörg mörk hér en þeim mun meiri læti. Hafnarfjarðarstórveldið tekur þetta 2-0 og ég held að Halla Mar geri hundinn sáttann með mark af 30 metrum og að annað markið verði sjálfsmark. Orri verður rekinn úr Ölbræðra grúppunni loki hann þessu ekki.

Breiðablik 1 - 3 Valur (á miðvikudag 19:15)
Óumdeilanlega stórleikur umferðarinnar. Ég er hræddur um að missir Blika af Berry og Málfríði sé of mikill til að þær geti barist um titilinn. Metta hleypur uppi sendingar MLV9 og Valskonur klára þetta 1-3.

KR 0 - 1 Grindavík (á miðvikudag 19:15)
KR-ingar sakna KÓ og Fríðu. Þetta verður óvæntur 0-1 sigur Grindvíkinga í baráttuleik.

Fyrri spámenn:
Hallbera Guðný Gísladóttir (4 réttir)
Jóhann Kristinn Gunnarsson (3 réttir)
Athugasemdir
banner
banner