Einar Þór ráðinn sem aðstoðarþjálfari 2.flokks.
Einar Þór Daníelsson var í dag ráðinn aðstoðarþjálfari 2.flokks karla hjá KR. Einar hefur verið einn besti leikmaður KR síðast liðinn áratug og eru miklar vonir eru bundnar við þessa ráðningu. Sigursteinn Gíslason er aðalþjálfari 2.flokks og mun Einar aðstoða hann.
Ljóst er að þjálfarar 2. flokks karla í KR hafa yfir óhemju mikilli reynslu að ráða sem leikmenn og er vonast til þess að þeir geti miðlað henni til leikmanna 2. flokks þeim og félaginu til heilla. Frá þessu er greint á kr.is.
Einar Þór lék með ÍBV síðasta sumar og skoraði fjögur mörk í 17 leikjum fyrir félagið, hann ákvað síðan að leggja skóna á hilluna. Hann hefur leikið nákvæmlega 200 leiki í efstu deild og skorað í þeim 46 mörk. Þá hefur hann skorað eitt mark fyrir A landslið Íslands.
Athugasemdir
