Rose, sem er 27 ára gamall, var með áhugaverð ummæli á dögunum og heimtaði að fá ofurstjörnur til Tottenham eða hann myndi leita annað.

„Ég er að ná hátindi ferilsins og ég á líklega einungis einn stóran samning eftir," sagði hinn 27 ára gamli Rose.

„Tíminn er að renna út og ég vil vinna bikara.. Ég vil ekki spila fótbolta í 15 ár og enda með engan bikar eða medalíu. Ég er ekki þannig."

„Ég er ekki að segja að ég vilji fara en ef að ég fengi spennandi tilboð þá myndi ég ekki hika við að lýsa skoðunum mínum við félagið."

„Ég myndi gjarnan vilja sjá fleiri nýja leikmenn. Ég vil fá heimsklassa lekmenn sem koma inn um dyrnar og láta þig berjast fyrir sætinu. Ég vil ekki fá leikmenn sem þú þarft að leita að á Google og segja 'hver er þetta?" sagði Rose en nú hefur hann sent frá sér yfirlýsingu.

Yfirlýsing Rose:

„Hef haft smá tíma til þess að hugsa um það sem ég sagði og ég skil það núna að tímasetningin var mjög óhentug og þetta var dómgreindarleysi hjá mér. Ég vildi ekki móðga neinn og vil því biðja stjórnarformanninn, knattspyrnustjórann, leikmenninna og stuðningsmennina afsökunar. Ég vil líka óska liðinu góðs gengis gegn Newcastle á sunnudag," sagði í yfirlýsingu hans.

Hann hefur verið orðaður við Manchester United í Powerade-slúðrinu í morgun en það verður áhugavert að sjá hvað gerist fyrir lok gluggans.