Jökull Andrésson við undirskriftina í dag
Jökull Andrésson, 16 ára markvörður úr Aftureldingu, samdi í dag við enska félagið Reading sem leikur í Championship-deildinni.
Jökull hefur meira og minna æft með Reading frá árinu 2014 en í janúar á þessu ári var hann kallaður inn á æfingar með aðalliðinu.
Hann skrifaði svo undir sinn fyrsta atvinnumannasamning í dag en með honum var bróðir hans, Axel Andrésson, sem hefur verið að gera það gott með aðalliðinu.
Axel hefur spilað í síðustu tveimur bikarleikjum með Reading en hann samdi sjálfur við félagið árið 2014.
Hann var lánaður til Bath City undir lok síðasta árs og virðist sú reynsla hafa skilað miklu enda er hann að fá tækifærin með aðalliðinu núna.
Jökull vonast til að feta í sömu fótspor en hann var valinn í úrtakshóp U17 ára landsliðsins á síðasta ári.
My brother is 16 years old today and signed his first contract for @readingfc as well! Proud of him. @JokullAndresson pic.twitter.com/FxoKPeFHcQ
— Axel Óskar Andrésson (@axelandresson) August 25, 2017
Athugasemdir
