Gerard Pique, varnarmaður Barcelona, gæti verið búinn að leika sinn síðasta landsleik fyrir Spán.
Mikil átök eru í gangi á Spáni á milli spænskrar lögreglu og Katalóna sem vilja sjálfstæði frá Spánverjum.
Mikil átök eru í gangi á Spáni á milli spænskrar lögreglu og Katalóna sem vilja sjálfstæði frá Spánverjum.
„Fólkið sem kom til að kjósa í dag sýndi ekki ofbeldisfulla hegðun og lögreglan brást við af óafsakanlegri hörku," sagði Pique með tárin í augunum eftir að hafa séð myndbönd og frétt að hundruðir ef ekki þúsundir samborgara hans séu særðir.
Börsungar unnu Las Palmas 3-0 í dag og spiluðu fyrir luktum dyrum vegna kosninganna.
„Það var mjög erfitt að spila án stuðningsmanna og sérstaklega meðan allt er að gerast í Katalóníu. Þetta var versta reynsla mín sem atvinnumaður í knattspyrnu."
Harka lögreglumanna hefur vakið mikla reiði um allan heim, þar sem sést á myndböndum hvernig þjónar almenningsins sparka í liggjandi fólk, henda því niður stiga og lemja slökkviliðsmenn með kylfum.
„Ég hugsa að ég geti ekki haldið áfram að spila fyrir spænska landsliðið meðan hér ríkir ekki lýðræði."
Athugasemdir