Jose Mourinho gerði tvöfalda breytingu í hálfleik og United pressaði stíft, sérstaklega síðasta stundarfjórðunginn. Marcus Rashford skoraði eftir flottan undirbúning frá Romelu Lukaku, en United komst ekki lengra þrátt fyrir góða sénsa undir lokin.

Frábær úrslit fyrir Huddersfield, en United var að tapa sínum fyrsta leik og það nýttu nágrannarnir í Manchester City sér.

City knúði fram sigur gegn Burnley, 3-0. Lærisveinar Pep Guardiola hafa verið að spila stórkostleg og það virðist fátt geta stöðvað þá.

Jóhann Berg Guðmundsson spilaði síðustu 20 mínúturnar á Etihad.

Newcastle lagði Crystal Palace 1-0, Bournemouth lagði Stoke og Leicester vann sinn fyrsta leik eftir að Craig Shakespeare var rekinn.

Hér að neðan eru úrslit og markaskorarar dagsins.

Huddersfield 2 - 1 Manchester Utd
1-0 Aaron Mooy ('28 )
2-0 Laurent Depoitre ('33 )
2-1 Marcus Rashford ('78 )

Manchester City 3 - 0 Burnley
1-0 Sergio Aguero ('30 , víti)
2-0 Nicolas Otamendi ('73 )
3-0 Leroy Sane ('75 )

Newcastle 1 - 0 Crystal Palace
1-0 Mikel Merino ('86 )

Stoke City 1 - 2 Bournemouth
0-1 Andrew Surman ('16 )
0-2 Junior Stanislas ('18 , víti)
1-2 Mame Diouf ('63 )

Swansea 1 - 2 Leicester City
1-0 Federico Fernandez ('25 , sjálfsmark)
1-1 Shinji Okazaki ('49 )
2-1 Alfie Mawson ('56 )

Leikur Southampton og West Brom hefst 16:30