Brewster í leik með Liverpool.
Rhian Brewster, sautján ára leikmaður Liverpool, segir frá því í viðtali við Guardian að hann hafi orðið fyrir kynþáttafordómum frá því að hann var tólf ára gamall.
Brewster var markahæsti leikmaður U17 landsliðs Englands sem varð heimsmeistari fyrr á árinu og er einn allra efnilegasti leikmaður landsins.
Brewster var markahæsti leikmaður U17 landsliðs Englands sem varð heimsmeistari fyrr á árinu og er einn allra efnilegasti leikmaður landsins.
Strákurinn gagnrýnir yfirvöld í fótboltanum fyrir að taka ekki harðar á kynþáttaníð.
„Það eru vonbrigði að kynþáttafordómar séu enn í fótbolta. Það er kominn tími á að yfirvöld bregðist við þessari óásættanlegu hegðun," sagði Brewster.
Hann segist hafa orðið fyrir kynþáttafordómum í leikjum gegn erlendum liðum, bæði þegar hann spilar fyrir yngri lið Liverpool og einnig fyrir landsliðið.
Hann varð fyrir kynþáttafordómum tólf ára gamall þegar hann var hjá Chelsea og spilaði á móti í Rússlandi. Þá varð hann nýlega fyrir kynþáttafordómum í leik gegn Spartak Moskvu í Evrópukeppni unglingaliða. Einnig hefur hann orðið fyrir fordómum í yngri landsleikjum gegn Úkraínu og Spáni.
Athugasemdir
