Fyrri leik dagsins í ensku úrvalsdeildinni var rétt í þessu að ljúka en það var leikur Crystal Palace og Manchester City.

Með sigri hefði Manchester City unnið sinn 19. leik í röð, já nítján í röð.

Það mistókst hins vegar.

Crystal Palace sýndi góða frammistöðu og héldu toppliðinu á núllinu, eitthvað sem fáum liðum hefur tekist á þessu tímabili.

Í uppbótartíma hefði Crystal Palace getað stolið sigrinum þegar liðið fékk vítaspyrnu. Luka Milivojevic brást hins vegar bogalistinn af punktinum.

Lokatölur því markalaust jafntefli og sigurganga Manchester City loksins stöðvuð.