Svo kl 19:00 mætast í hinum undanúrslitaleiknum, Breiðablik og KR. Breiðablik gerði sér lítið fyrir og lagði Íslandsmeistara FH og núverandi Deildabikarmeistara að velli á fimmtudaginn. Framlengja þurfti leikinn og að lokum þurfti að grípa til vítarspyrnukeppni og þar hafði Breiðablik betur. KR lagði ÍBV nokkuð örugglega en þar bar helst til tíðinda að Tryggvi Bjarnason var rekinn af velli í leiknum og verður því ekki með KR það sem eftir lifir Deildabikarsins þar sem þetta er hans annað rauða spjald í keppninni.