Óli Stefán Flóventsson var valinn besti þjálfari undirbúningstímabilsins.
Til að krydda ótrúlega langt undirbúningstímabil Íslands ákváðu Elvar Geir og Tómas Þór að bjóða upp á nýjan lið í útvarpsþættinum Fótbolti.net síðasta laugardag.
Haldin var sérstök vetrarverðlaunahátíð til gamans og þeir bestu á undirbúningstímabilinu heiðraðir. Horft var til Reykjavíkurmótsins, Kjarnafæðismótsins, Fótbolta.net mótsins og Lengjubikarsins.
Haldin var sérstök vetrarverðlaunahátíð til gamans og þeir bestu á undirbúningstímabilinu heiðraðir. Horft var til Reykjavíkurmótsins, Kjarnafæðismótsins, Fótbolta.net mótsins og Lengjubikarsins.
Smelltu hér til að hlusta a vetrarverðlaunahátíðina
Björn Berg Bryde, miðvörður Grindvíkinga, var valinn besti leikmaður undirbúningstímabilsins. Þá hlaut hann einnig verðlaun sem besti varnarmaðurinn.
Grindvíkingar hafa verið gríðarlega öflugir í vetur og sýnt sterka liðsheild. Þeir leika gegn Íslandsmeisturum Vals í úrslitaleik Lengjubikarsins næsta mánudag. Óli Stefán Flóventsson hlaut titilinn besti þjálfari undirbúningstímabilsins.
Anton Ari Einarsson hjá Val var valinn besti markvörður vetrarins og þá voru kaup Vals á Tobias Thomsen valin bestu kaupin í vetur en danski sóknarmaðurinn sem lék með KR hefur smellpassað inn í Valsliðið.
Stjarnan vann Fótbolta.net mótið og var Baldur Sigurðsson valinn besti miðjumaðurinn.
Daníel Hafsteinsson, 18 ára miðjumaður KA, var valinn besti ungi leikmaðurinn á undirbúningstímabilinu. KA vann Kjarnafæðismótið og komst í undanúrslit Lengjubikarsins. Elfar Árni Aðalsteinsson hefur raðað inn mörkum í vetur og var valinn besti sóknarmaður undirbúningstímabilsins.
Smelltu hér til að hlusta a vetrarverðlaunahátíðina
Björn Berg Bryde var valinn besti varnarmaðurinn og besti leikmaðurinn.
Anton Ari Einarsson hjá Val var valinn besti markvörðurinn.
Baldur Sigurðsson, besti miðjumaðurinn.
Daníel Hafsteinsson úr KA var valinn besti ungi leikmaðurinn.
Elfar Árni Aðalsteinsson var valinn besti sóknarmaðurinn.
Bestu kaupin. Tobias Thomsen í Val.
Athugasemdir
