Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 28. apríl 2018 15:00
Fótbolti.net
Spá Fótbolta.net fyrir Pepsi-deild kvenna: 6. sæti
FH er spáð sjötta sætinu.
FH er spáð sjötta sætinu.
Mynd: Fótbolti.net - Hafliði Breiðfjörð
Guðný Árnadóttir er öflug í vörninni.
Guðný Árnadóttir er öflug í vörninni.
Mynd: Fótbolti.net - Hafliði Breiðfjörð
Arna Dís Arnþórsdóttir og Jasmín Erla Ingadóttir.
Arna Dís Arnþórsdóttir og Jasmín Erla Ingadóttir.
Mynd: FH
Keppni í Pepsi-deild kvenna hefst á fimmtudaginn. Fótbolti.net mun næstu dagana opinbera spá fyrir deildina í sumar en liðin verða kynnt eitt af öðru næstu dagana.

Spáin:
1. ?
2. ?
3. ?
4. ?
5. ?
6. FH
7. KR
8. Selfoss
9. Grindavík
10. HK/Víkingur

6. FH
Lokastaða í fyrra: 6. sæti í Pepsi-deild
FH liðið hefur verið vaxandi undanfarin ár undir stjórn Orra Þórðarsonar og uppgangurinn hélt áfram í fyrra. Liðið vann þrjá af fyrstu fjórum leikjum sínum og var aldrei í fallhættu.

Þjálfarinn: Orri Þórðarson stýrir FH fjórða tímabilið í röð. Orri kom FH upp sumarið 2015 og hefur gert góða hluti með liðið síðan þá. Hefur náð að festa FH í sessi í Pepsi-deildinni.

Álit Jóa
Jóhann Kristinn Gunnarsson er sérfræðingur Fótbolta.net í Pepsi-deild kvenna líkt og í fyrra. Hér er álit hans á liði FH.

Styrkleikar: Með klókan þjálfara í brúnni og hæfileikaríkan leikmannahóp gætu FH alveg bankað þéttingsfast á dyrnar hjá topp 5 klúbbnum. Mikið af ungum og efnilegum stelpum og liðið spilar alltaf góðan fótbolta. Liðið hefur bætt við sig sterkum leikmönnum frá í fyrra og það verður spennandi að sjá hvort Orri nái ekki að stríða stærri liðunum með athyglisverðu FH liði í ár.

Veikleikar: FH hefur ekki getað stillt upp sínu sterkasta liði á undirbúningstímabilinu. A.m.k. ekki nokkra leiki í röð. Það gæti því tekið nokkrar umferðir að finna taktinn með sterkustu 11. Einnig gæti stigasöfnun oltið á því hvort Tatiana Saunders í markinu standi undir væntingum. Það eru mörk í þessu liði en spurning hvernig gengur að girða fyrir eigið mark.

Lykilleikmenn: Guðný Árnadóttir er ungur varnarmaður sem hefur þegar leikið með öllum landsliðum Íslands. Hún verður öflug í vörninni hjá FH í sumar. Jasmín Erla Ingadóttir kom frá Fylki fyrir tímabilið og á eftir að valda miklum usla í vörnum andstæðinganna. Marjani Hing-Glover er skæður sóknarmaður sem kom frá nágrönnunum í Haukum. Góður skotmaður sem á eftir að skila mörkum fyrir liðið.

Gaman að fylgjast með: Helena Ósk Hálfdanardóttir er ung, efnileg og eldfljót. Hún gæti sprungið út í sókninni hjá FH í sumar og verður spennandi að fylgjast með henni.

Komnar:
Arna Dís Arnþórsdóttir frá Breiðabliki
Birta Stefánsdóttir frá ÍA
Eva Núra Abrahamsdóttir frá Fylki
Hanna Barker frá Bandaríkjunum
Jasmín Erla Ingadóttir frá Fylki
Marjani Hing-Glover frá Haukum
Tatiana Saunders frá BNA
Þórdís Elva Ágústsdóttir frá Haukum

Farnar:
Caroline Murray í Västerås BK 30 í Svíþjóð
Karólína Lea Vilhjálmsdóttir í Breiðablik
Lindsey Burke Harris í Klepp í Noregi
Megan Dunnigan í Stjörnuna
Nadía Atladóttir í Fjölni á láni
Victoria Frances Bruce í Limasol á Kýpur

Fyrstu leikir FH
4. maí ÍBV - KR
9. maí Selfoss - KR
15. KR - FH

Taktu þátt í Draumaliðsdeild Toyota
Fótbolti.net er með Draumaliðsdeild í Pepsi-deild kvenna í sumar í samstarfi við Toyota.

Smelltu hér til að skrá þitt lið í Draumaliðsdeildina
Athugasemdir
banner
banner
banner
banner
banner