HK á þrjá menn í liði umferðarinnar.
Ibrahim Barrie fagnar glæsilegu marki sínu gegn ÍR.
Fyrsta umferðin í Inkasso-deildinni fór fram með látum á laugardaginn þegar sex leikir voru á dagskrá.
HK byrjaði á öflugum 3-0 heimasigri gegn Magna en Brynjar Björn Gunnarsson er þjálfari umferðarinnar fyrir vikið. Ingiberg Ólafur Jónsson var frábær í vörninni en hann er í liði umferðarinnar líkt og liðsfélagar hans Birkir Valur Jónsson og Ólafur Örn Eyjólfsson.
Gonzalo Zamorano og Ibrahim Barrie voru báðir á skotskónum í 2-0 útisigri Víkings Ólafsvíkur gegn ÍR.
Arnar Aðalgeirsson var bestur hjá Haukum í 2-2 jafntefli gegn Þór og í 2-2 jafntefli Fram og Selfoss voru Kristófer Páll Viðarsson og Guðmundur Magnússon bestir.
Einar Logi Einarsson og Ragnar Leósson voru valdir bestir hjá ÍA í 1-0 sigri á Leikni R. í Akraneshöllinni og í Njarðvík var pólski markvörðurinn Robert Blakala maður leiksins í 1-1 jafntefli gegn Þrótti R.
Athugasemdir
