Keppni í 2.deild karla lauk 10.september. Í hádeginu í dag mun Fótbolti.net kynna lið ársins í deildinni og kjör á þjálfara og leikmanni ársins ásamt efnilegasta leikmanni á Hótel Íslandi en það verður síðan allt birt hér á síðunni um leið.
Leiknir Reykjavík sigraði deildina og kemst því upp í 1.deild ásamt Stjörnunni. Þetta er í annað sinn sem Leiknir kemst upp í næstefstu deild en í hitt skiptið féll liðið strax aftur niður. Tindastóll og Leiftur/Dalvík féllu niður í 3.deild í sumar.
Smellið hér til að skoða lokastöðuna í 2.deildinni
Markahæstu leikmenn: (víti - fjöldi leikja)
14 - Þorvaldur Árnason, Afturelding (2-17)
14 - Guðjón Baldvinsson, Stjarnan (1-17)
10 - Dragoslav Stojanovic, Stjarnan (4-18)
8 - Marjan Cekic, Fjarðabyggð (1-16)
8 - Jóhann Björn Valsson, Afturelding (0-17)
8 - Mikael Nikulásson, Huginn (1-18)
7 - Atli Heimisson, Afturelding (0-11)
7 - Ómar Valdimarsson, Selfoss (4-18)
7 - Helgi Pjetur Jóhannsson, Leiknir (0-18)
Stigasöfnun:
- Ef aðeins eru tekin stig á heimavelli fellur ÍR með Leiftri/Dalvík.
- Ef aðeins eru tekin stig á heimavelli kemst Njarðvík upp með Leikni.
- Lítil breyting er ef aðeins eru tekin stig á útivelli.
- Tindastóll fékk aðeins fimm stig á útivelli í sumar.
- Leiftur/Dalvík er með versta heimavöllinn, fékk aðeins sex stig þar.
Mörk skoruð:
- Stjarnan skoraði flest mörk í deildinni, eða 42.
- Afturelding skoraði flest mörk á heimavelli, 24.
- Tindastóll skoraði aðeins 16 mörk, fæst í deildinni.
- Tindastóll skoraði aðeins sjö mörk á útivelli.
Mörk fengin á sig:
- Leiftur/Dalvík fékk 45 mörk á sig, það er ekki vænlegt til árangurs.
- ÍR fékk flest mörk á sig á heimavelli, 21. Þar af fimm gegn Leiftri/Dalvík!
- Leiftur Dalvík fékk flest mörk á sig á útivelli, 25. Þar á eftir kemur Tindastóll með 24.
Mínútur:
- Á 88. og 89.mínútu komu alls sextán mörk, átta á hvorri mínútu.
- Sjö mörk komu á 80.mínútu.
- Enginn afrekaði það að ná að skora á þriðju mínútu.
- Eitt mark var skorað á fyrstu mínútu.
- Fjögur rauð spjöld voru gefin á 90.mínútu.
- Enginn fékk rautt spjald á fyrsta hálftímanum.
- Alls voru gefin 39 rauð spjöld og 332 gul.
Spjaldasöfnun liða:
- Jörundur Áki Sveinsson þjálfari Stjörnunnar fékk tvisvar rautt spjald.
- Leiftur/Dalvík fékk flest rauð spjöld, sjö.
- Afurelding fékk flest gul spjöld, 40. Þá fékk liðið fjögur rauð spjöld.
- Ekkert lið slapp við það að fá rautt spjald.
- Njarðvík fékk fæst gul spjöld, 25.
Methafar:
- Jakob Spangsberg sóknarmaður Leiknis skoraði sex mörk fyrir toppliðið en kom aðeins við sögu í sjö leikjum!
- Dragoslav Stojanovic skoraði fjögur af tíu mörkum sínum úr vítum og er vítakóngur deildarinnar.
- Guðmundur Kristinn Kristinsson úr Leiftri/Dalvík er sá eini sem fékk rautt spjald oftar en einu sinni. Hann fékk tvö rauð.
- Björn Sigurbjörnsson úr Aftureldingu og Ómar Freyr Rafnsson úr Hugin fengu flest gul spjöld, sex hvor.
Athugasemdir
