Steven Gerrard fyrirliði Liverpool lenti í nokkuð skondinni uppákomu fyrir leik liðsins gegn Chelsea í ensku úrvalsdeildinni á sunnudag þegar lítill gutti fór illa með hann í göngunum áður en liðin gengu inn á völlinn.

Liðin höfðu komið sér fyrir í göngunum fyrir leik og Steven Gerrard fór fremst í röðina. Með liðunum ganga jafnan litlir boltastrákar í búningum liðanna og það var einmitt einn slíkur sem stóð við hlið John Terry er Gerrard kom þar að og rétti út hendina í von um að Gerrard myndi slá.

Gerrard tók þátt í leiknum og ákvað að ,,gefa guttanum fimm" en sá stutti kippti hendinni þá snökklega til baka og gerði grín að Gerrard.

Á myndinni hér til hliðar má sjá atvikið en þeir sem sjá hana ekki geta smellt á tengilinn hér að neðan.

Smelltu hér til að sjá myndband af atvikinu.