Michael Carrick gæti verið í byrjunarliði Englendinga þegar þeir mæta Ekvador í 16 liða úrslitum HM á sunnudaginn.
Fréttir frá Englandi herma að Sven-Goran Eriksson, landsliðsþjálfari Englands, sé tilbúinn að nota hann í 5 manna miðju Englendinga með Wayne Rooney á toppnum.
Carrick hefur ekkert spilað með Englandi á HM hingað til en hann hefur spilað 6 leiki fyrir England.
Þessar fréttir eru væntanlega mikil vonbrigði fyrir Peter Crouch sem hefur skorað eitt mark fyrir Englendinga á HM og fjögur mörk í síðustu fjórum leikjum með landsliðinu.
Eriksson ætlar ekki að tilkynna byrjunarlið sitt fyrr en hann veit hvort að Gary Neville og Rio Ferdinand get byrjað en þeir hafa átt við meiðsli að stríða. Ef þeir byrja ekki mun Owen Hargreaves fara í hægri bakvarðarstöðuna en Jamie Carragher hefur verið þar í síðustu tveimur leikjum fyrir Neville. Þá mun Sol Campbell vera viðbúinn ef Ferdinand nær sér ekki af meiðslunum.
Athugasemdir
