Með markinu varð Beckham fyrsti enski leikmaðurinn til að skora á þremur Heimsmeistaramótum en markið skoraði hann beint úr aukaspyrnu af 30 metra færi og tryggði Englendingum þar með sæti í 8 liða úrslitunum þar sem þei rmæta sigurvegaranum í viðureign Portúgals og Hollands sem hefst klukkan 19:00.

Engu munaði að Ekvador næði forystunni í leiknum snemma en þá komst Carlos Tenorio einn á móti Paul Robinson markverði Englendinga eftir mistök John Terry, en Ashley Cole hljóp hann uppi og varðist skotinu sem endaði svo í slánni og fór út.

Frank Lampard misnotaði tvö góð tækifæri fyrir Englendingana en mark Beckham dugði þeim til sigurs.

England: Robinson, Hargreaves, Terry, Ferdinand, Ashley Cole, Beckham (Lennon 87), Carrick, Gerrard (Downing 90), Lampard, Joe Cole (Carragher 77), Rooney.
Ónotaðir varamenn: James, Campbell, Bridge, Carson, Crouch, Jenas, Neville, Walcott.

Ekvador: Mora, De la Cruz, Hurtado, Espinoza, Reasco, Valencia, Edwin Tenorio (Lara 69), Castillo, Mendez, Delgado, Carlos Tenorio (Kaviedes 71).
Ónotaðir varamenn: Villafuerte, Ambrossi, Ayovi, Benitez, Borja, Guagua, Lanza, Perlaza, Saritama, Urrutia.