Keflavík 9 - 8 Grindavík
Guðmundur Steinarsson fagnar sigri í spurningakeppninni en Eysteinn Húni Hauksson á neðri myndinni er úr leik og bauð Guðmundi í bíó í tilefni þess.
Það var grannaslagur í fyrstu viðureign 8-liða úrslitanna í spurningakeppni liðanna í Landsbankadeildinni. Guðmundur Steinarsson fyrirliði Keflvíkinga var fulltrúi sinna manna og hinn reyndi Eysteinn Húni Hauksson keppti fyrir hönd Grindavíkur en þeir eru fínir vinir.
Leikurinn var mjög jafn og fór svo að lokum að Guðmundur sigraði 9-8 og var hann gríðarlega ánægður enda veit Eysteinn mikið um boltann. ,,Þetta er gríðarlega stór sigur að vinna Eystein. Ég hélt að hann væri allra manna fróðastur um svona málefni á meðal leikmanna í deildinni," sgaði Guðmundur en Eysteinn tók tapinu létt.
,,Ég bið aðdáendur mína afsökunar á vonbrigðunum," sagði Eysteinn í léttum tón og bætti við: ,,Ég hefði verið góður í þessu hefði keppnin verið fyrir svona sjö árum. Ég hef ekki fylgst nógu vel með þessu að undanförnu. Ég sendi hamingjuóskir til góðvinar míns Guðmundar Steinarssonar og ég ætla að bjóða honum í bíó í tilefni sigursins."
Guðmundur hló mikið af bíóboði Eysteins og sagði: ,,Ég þigg það hjá honum en ég borga miðann sjálfur." Eysteinn var óánægður með að hafa klikkað á fyrstu spurningunni og var Guðmundur allt annað en ánægður með sjálfan sig með að hafa ekki vitað hvaða lið léki heimaleiki sína á Fratton Park.
,,Fratton Park, ég átti að ná henni. Þetta er völlur sem maður hefur spilað á, maður á að vita þá velli sem maður hefur spilað á," sagði Guðmundur sem spilaði þar með varaliði Watford á sínum tíma.
Við skulum kíkja á hvernig keppnin hjá Eysteini og Guðmundi gekk fyrir sig en 8-liða úrslitin halda áfram í vikunni en aðrar viðureignir þar eru:
ÍBV - Víkingur
Valur - ÍA
Breiðablik - Fylkir
Rétt svör eru undirstrikuð!
Guðmundur: Valdimar Sigurðsson
Eysteinn: Ingi Björn Albertsson
2. Með hvaða liði á Íslandi lék Che Bunce á sínum tíma?
Guðmundur: Breiðablik
Eysteinn: Breiðablik
3. Hver var markahæstur í hollensku deildinni í vetur?
Guðmundur: Klas-Huntelaar
Eysteinn: Kuyt, Feyenoord
4. Frá hvaða borg er liðið sem FH mætir í undankeppni Meistaradeildarinnar?
Guðmundur: Tallin
Eysteinn: Tallin
5. Hversu gamall var Fernando Torres þegar hann lék sinn fyrsta leik með aðalliði Atletico Madrid?
Guðmundur: 16
Eysteinn: 17
6. Hvaða leikmaður tryggði Real Madrid sigur í Meistaradeildinni 1997-1998?
Guðmundur: Predrag Mijatovic
Eysteinn: Mijatovic
7. Hvað heitir heimavöllur Sindra sem leikur í annarri deild karla?
Guðmundur: Strandarvöllur
Eysteinn: Sindravellir
8. Hvað heitir þjálfari Gana?
Guðmundur: Troussier
Eysteinn: Henry Michel
Rétt svar: Ratomir Dujkovic
9. Heimavöllur hvaða liðs nefnist Fratton Park?
Guðmundur: Derby
Eysteinn: Portsmouth
10. Með hvaða liði leikur Jan Vennegoor of Hesselink?
Guðmundur: PSV Eindhoven
Eysteinn: PSV
11. Með hvaða liði leikur framherjinn Marco Delvecchio í dag?
Guðmundur: Torino
Eysteinn: Roma
Rétt svar: Parma
12. Hvað heitir knattspyrnustjóri Sheffield United?
Guðmundur: (Neil) Warnock
Eysteinn: Ég veit það ekki
13. Hver er þjálfari U-19 ára kvennalandsliðs Íslendinga?
Guðmundur: Elísabet
Eysteinn: Helena
Rétt svar: Ólafur Þór Guðbjörnsson
14. Frá hvaða landi er Ricardo vaz Te leikmaður Bolton?
Guðmundur: Portúgal
Eysteinn: Er hann frá Bolivíu?
15. 19.mars árið 1999 gerði íslenska karlalandsliðið jafntefli við Úkraínu ytra. Hver skoraði mark Íslendinga?
Guðmundur: Lárus Orri Sigurðsson
Eysteinn: Lárus Orri
Aðrar keppnir:
Breiðablik 8 - 6 KR
FH 9 - 6 Valur
Athugasemdir
