Vigfús er uppalinn hjá Leikni þar sem hann var meðal annars í láni á síðustu leiktíð. Við skulum kíkja á hina hliðina á Vigfúsi sem verður væntanlega í eldlínunni með KR gegn Millwall í æfingaleik í kvöld.

---

Fullt nafn: Vigfús Arnar Jósefsson

Gælunafn: Fúsi feiti, Rudi Völler, Völlerinn, pundi, Suddi suðumaður og sekkurinn svona til að nefna einhver.

Aldur: 21

Giftur/sambúð: Frjáls og leitandi

Börn: Engin.

Hvað eldaðir þú síðast? Sauð hafragraut í gær

Hvað vilt þú fá á pizzuna þína? Pepperoni og extraost fyrir stelpurnar

Hvernig gemsa áttu? Samsung

Uppáhaldssjónvarpsefni? Beverly Hills og Melrose place

Besta bíómyndin? Terminator 2

Hvaða tónlist hlustar þú á? Trance, breakbeat og allt jaðarpopp

Uppáhaldsútvarpsstöð? KissFM

Uppáhaldsdrykkur? Ananasdjús og hann verður ekki verri ef það bætast einhverjar prósentur við í hann.

Uppáhaldsvefsíða? krreykjavik.is

Ertu hjátrúarfullur fyrir leiki (ef já, hvernig þá?)? er alltaf með sömu rútínu á leikdag, fer út í fótbolta og tek síðan stutta kalda sturtu. Hlusta á músík og tek nokkrar slakandi æfingar, a la Gaui Bergmann eftir það. Legg mig í 40 mínútur og borða síðan pasta. Ef þetta klikkar þá töpum við það er staðfest.

Hvernig er best að pirra andstæðinginn? Með því að sýna hversu miklu betri þú ert í fótbolta.

Hvaða liði myndir þú aldrei spila með? ÍBV og KFS

Hvert var átrúnaðargoð þitt á yngri árum? Rúnar Kristinsson

Erfiðasti andstæðingur? Darren Fletcher, aka Fletski

EKKI erfiðasti andstæðingur? Gunnar Hilmar Kristinsson

Besti samherjinn? Kristinn Magnússon, Sölvi Davíðsson og Jökull Elísabetarson

Sætasti sigurinn? Vinna Stjörnuna í fyrra og tryggja veru Leiknis í 1.deild

Mestu vonbrigði? Komast ekki upp með Leikni 2004

Uppáhalds lið í enska boltanum? Chelsea, ég er ekki gullgrafari, byrjaði að halda með þeim þegar Gullit kom til þeirra.

Uppáhaldsknattspyrnumaður? Ruud Gullit og David Beckham

Besti íslenski knattspyrnumaðurinn fyrr og síðar? Eiður Smári

Efnilegasti knattspyrnumaður landsins? Magnús Már Þorvarðarson

Fallegasti knattspyrnumaðurinn í deildinni? Albert Ingason er með lúkkið á hreinu.

Fallegasta knattspyrnukonan? Æji þessi sem fannst ég svo sætur.

Grófasti leikmaður deildarinnar? Páll Hjarðar og Tryggvi Bjarna

Besti íþróttafréttamaðurinn? Höddi Magg, engin spurning.

EKKI besti íþróttafréttamaðurinn? Þorsteinn Gunnarsson

Hver er mesti höstlerinn í liðinu? Sigmundur Kristjánsson einnig þekktur sem Spaðinn

Hefurðu skorað sjálfsmark? Nei en það styttist væntanlega í það fyrst maður er kominn í bakvörðinn

Segðu okkur frá skemmtilegu atviki sem gerst hefur í leik: Haukur Gunnarsson fyrirliði Leiknis taldi sig hafa skorað mark úr hornspyrnu í fyrra og hljóp til eiginkonu sinnar og smellti á hana einum rennblautum sem stóð við völlinn. Síðan bættust við nokkrir úr liðinu og fögnuðu með hjúunum. En þeir áttuðu sig ekki á að dómarinn flautaði aukaspyrnu og munaði engu að Leiknir fengi mark á sig úr skyndisókn meðan helmingur liðsins var að kyssa konu fyrirliðans.

Spilar þú Championship Manager tölvuleikinn? Nei, en spilaði nóg af Counter-Strike

Hvenar lékstu þinn fyrsta leik með meistaraflokki? 18 ára í deildarbikarnum með KR undir stjórn Willums Þór Þórssonar minnir mig.

Hvernig finnst þér Fótbolti.net? Langbesta vefsíða landsins

Kíkir þú oft á Fótbolti.net? Nokkrum sinnum á dag

Ef þú mættir breyta einni reglu í fótbolta, hverju myndir þú breyta? Stytta hálfleikinn og jafnvel sleppa honum.

Hvern vildir þú sjá á sviði? (tónleikum) Paul Oakenfold

Hvað finnst þér leiðinlegast að gera á æfingu? Hita upp

Hver er frægasta persónan sem þú ert með í farsímanum þínum? Skarphéðinn Grétarsson

Hver er uppáhaldsstaðurinn þinn í öllum heiminum? Í Breiðholtinu því heima er best

Hversu lengi ertu að koma þér í gang á morgnanna? Reyni að vera eins lengi og ég get

Hver er uppáhaldsÍÞRÓTTAMAÐURINN þinn? Charles Barkley þegar hann var upp á sitt besta með Phoenix

Fyrir utan knattspyrnu, fylgist þú með öðrum íþróttum? Fylgist ágætlega með öllum boltaíþróttum og golfi og er með brennandi áhuga á skotveiði.

Hver er uppáhalds platan þín? Music for the jilted generation með Prodigy

Hvenær borgaðir þú þig síðast inn á knattspyrnuleik? ÍR – Leiknir í fyrrasumar

Í hvernig fótboltaskóm spilar þú? Adidas Predator

Í hverju varstu/ertu lélegastur í skóla? Kynfræðslu