Mainz 5-0 Liverpool
Craig Bellamy framherji Liverpool bíður þess að taka miðju á meðan leikmenn Mainz eru enn að fagna einu af mörkum sínum.
Það blæs ekki byrlega fyrir Liverpool sem eiga að leika sinn fyrsta alvöru leik í Meistaradeildinni gegn Maccabi Haifa eftir helgi en í kvöld töpuðu þeir stórt, 5-0 fyrir þýska liðinu Mainz í Þýskalandi.
Mainz er sama lið og sló Keflavík út í UEFA Cup á síðustu leiktíð og eftir markalaust jafntefli eftir fyrri hálfleik í kvöld reyndist Liverpool þeim auðveldari andstæðingur í síðari hálfleik þar sem fimm mörk litu dagsins ljós.
Þrátt fyrir stórt tap var Rafael Benítez með sterkt lið á vellinum í kvöld en byrjunarlið beggja liða má sjá neðst í fréttinni. Eftir nokkrar skiptingar í hálfleik hrundi leikur þeirra rauðu hinsvegar og Feulner, Damm, Jovanovic, Amri og Pupalovic skoruðu mörk Mainz.
Liverpool: Carson, Traore, Hyypia (captain), Carragher, Kromkamp, Zenden, Gerrard, Alonso, Pennant, Crouch, Bellamy.
Varamenn: Dudek, Peltier, Hobbs, Paletta, Riise, Anderson, Diao, Sissoko, Garcia
FSV Mainz 05: Wache, Gerber, Demirtas, Feulner, Noveski, Diakite, Friedrich, Pekovic, Azaouash, Rose, Damm.
Varamenn: Amri, Banouas, Babatz, Jovanovic, Amri, Wiegelt, Gunesch, Vrancic, Vrancic, Pupalovic, Ischdonat
Athugasemdir
