Furðulegar hliðar fótboltans
Karel Brückner.
Karel Brückner landsliðsþjálfari Tékklands þykir nokkuð klár og útsjónarsamur og er duglegur að hanna undarleg leikkerfi. Hann þykir vera með taktík og skipulag á heilanum og seint á kvöldin á hann það til að skrifa upp mismunandi kerfi á bréfsnifsi.
Eitt slíkt hjá honum vakti mikla athygli þegar leikmenn hans framkvæmdu það fyrst á níunda áratug síðustu aldar. Þetta bragð hans var þannig að þegar lið hans fékk aukaspyrnu á stórhættulegum stað stilltu tveir leikmenn sér upp við boltann og gerðu sig tilbúna að taka spyrnuna.
Þeir lögðu af stað í átt að boltanum á sama tíma og skullu saman og lágu í grasinu. Andstæðingarnir réðu ekki við sig og sprungu úr hlátri yfir klaufabárðunum sem þarna lágu í grasinu en pössuðu sig ekki því þá kom þriðji leikmaðurinn og þrumaði boltanum í netið. Allt útpælt a la Brückner.
Furðulegar hliðar fótboltans er liður hér á Fótbolta.net þar sem ein óvenjuleg saga tengd fótbolta er sögð alla virka daga. Við tökum ábendingum um slíkar sögur fegins hendi en bendum fólki þá á netfangið [email protected].
Smelltu hér til að sjá yfirlit yfir allar fréttir úr ,,Furðulegar hliðar fótboltans".
Athugasemdir
