Gravesen í baráttunni í leiknum í gær
Daninn Thomas Gravesen sem er nýgenginn til liðs við Celtic viðurkennir að mistök hans í leiknum gegn Manchester United í Meistaradeild Evrópu í gær hafi kostað Celtic sigurinn en United vann 3-2.
Gravesen átti sök á tveimur mörkum United sem þeir Louis Saha og Ole Gunnar Solskjaer skoruðu vegna klaufalegra sendinga Danans.
"Það er auðvelt að sjá af hverju við töpuðum; vegna mistaka minna. Fyrir mig persónulega er þetta hræðilegt og ég gerði tvö stór mistök. Það er augljóst að ég þarf að leggja meira á mig inná vellinum en ég viðurkenni að þetta var mér að kenna," sagði Gravesen eftir leikinn í gær.
Næsti leikur Celtic í Meistaradeildinni er gegn FC Kaupmannahöfn frá heimalandi Gravesen en leikurinn fer fram þann 26.september næstkomandi.
Athugasemdir
