Heimild: KSI.is 

5 lið í deildinni eiga fulltrúa í liði umferðanna: Breiðablik, FH, ÍA, KR og Valur. Alls fengu 33 leikmenn frá 8 félögum atkvæði að þessu sinni og voru þó nokkrir leikmenn nálægt því að komast inn í lið umferðanna.

Engir leikmenn Fylkis og ÍBV fengu atkvæði. 6 leikmenn ÍA og FH fengu atkvæði í lið umferðanna, en 5 leikmenn Keflavíkur, KR og Vals. Valsarinn Pálmi Rafn Pálmason fékk atkvæði í lið umferðanna frá öllum í valnefndinni – fullt hús stiga.

Teitur Þórðarson hlaut afgerandi kosningu sem þjálfari umferðanna og Björgólfur Takefusa hlaut afgerandi kosningu sem leikmaður umferðanna.

Stuðningsmenn Víkinga hafa staðið þétt við bakið á sínu liði í umferðunum og eru vel að stuðningsmannaverðlaununum komnir. Víkingar hafa sýnt stuðning sinn í verki, komið prúðmannlega og drengilega fram og verið félagi sínu til mikils sóma. Helsta stuðningslag Víkinga hefur aldeilis slegið í gegn á árinu – lagið Barfly með íslensku hljómsveitinni Jeff Who?

Markvörður:
Kristján Finnbogason – KR

Varnarmenn:
Gunnlaugur Jónsson – KR
Tommy Nielsen – FH

Tengiliðir:
Arnar Grétarsson – Breiðablik
Bjarki Gunnlaugsson – ÍA
Bjarni Guðjónsson – ÍA
Hafþór Ægir Vilhjálmsson – ÍA
Pálmi Rafn Pálmason – Valur

Framherjar:
Allan Dyring – FH
Arnar Gunnlaugsson – ÍA
Björgólfur Takefusa – KR

Leikmaður umferða 13-18:
Björgólfur Takefusa – KR

Þjálfari umferða 13-18:
Teitur Þórðarson – KR

Dómari umferða 13-18:
Garðar Örn Hinriksson

Stuðningsmannaverðlaun umf. 13-18:
Stuðningsmenn Víkings

Leitað var til 10 aðila (fjölmiðla og annarra) sem mynda nokkurs konar valnefnd með lið umferðanna, leikmann, þjálfara og dómara. Hver og einn aðili hefur síðan eitt "atkvæði". Valnefndin er skipuð mönnum frá þessum miðlum: Blaðið, Fótbolti.net, Gras.is, Íslenskar getraunir, Mín skoðun/XFM, Morgunblaðið, RÚV, Sport.is, Sýn og Landsbankinn. Landsbankinn velur svo besta stuðningsmannahópinn.