Heimild: Fréttablaðið
Viktor Bjarki Arnarson.
Viktor Bjarki Arnarson leikmaður Víkinga sem var valinn besti leikmaður Íslandsmótsins í sumar er líklega á leið til norska félagsins Lilleström þar sem hann var á reynslu á dögunum.
Fréttablaðið greinir frá þessu í dag en þar segir að Víkingar hafi átt í viðræðum við norska félagið upp á síðkastið og að í gærkvöldi hafi ekki borið á milli félaganna.
Fréttablaðið segist hafa heimildir fyrir því að Lilleström hafi upphaflega boðið 10 milljónir króna í Viktor en Víkingar höfnuðu því og sendu gagntilboð sem var svarað með öðru gagntilboði og þannig hefur boltinn gengið á milli félaganna.
Við munum fylgjast með málinu í dag og segja fréttir af því þegar og ef samningar nást milli aðilanna.
Athugasemdir
