Heimild: The Sun
Jose Mourinho hefur gaman af því að tjá sig í fjölmiðlum.
Jose Mourinho knattspyrnustjóri Chelsea heldur uppteknum hætti í dag en í enska götublaðinu The Sun í dag gagnrýnir hann Cristiano Ronaldo leikmann Manchester United og besta leikmann ensku úrvalsdeildarinnar.
,,Krakki kom með einhverjar yfirlýsingar og sýndi ekki þroska og virðingu," sagði Mourinho. ,,Kannski snýst þetta um menntun, erfiða æsku, þetta eru afleiðingar þess. Þess vegna varð ég að koma með svar."
Mourinho kallaði Ronaldo lygara eftir að landi hans svaraði ummælum hans um að Chelsea fengju aldrei vítaspyrnur og sagði að United fengju engar. Sir Alex Ferguson kom einnig fram í fjölmiðlum vegna málsins og skaut þá á Mourinho.
,,Sir Alex fannst að hann ætti að vernda strákinn sinn. Ég hef ekkert á móti honum og ekkert á móti drengnum. Mér líkar við Sir Alex og ef skot hans á mig eru ekki meiðandi, óheiðarleg eða siðlega röng þá er ekkert vandamál."
Athugasemdir
