Heimild: Heimasíða KSÍ | Heimasíða Fjölnis
Sonný Lára fór á kostum og varði tvö víti
Sonný Lára átti stórleik í gær.
Einn leikur var spilaður í Reykjavíkurmóti meistaraflokks kvenna í gær. KR og Fjölnir mættust í Egilshöll í spennandi leik.
KR 1-0 Fjölnir :
1-0 Ólina G. Viðarsdóttir ('5)
KR 1-0 Fjölnir :
1-0 Ólina G. Viðarsdóttir ('5)
Andrés Ellert Ólafsson sem hefur þjálfað Fjölnisliðið undanfarin ár hætti með liðið í vikunni og Theódór Sveinjónsson stýrði liðinu í gær. Theódór þjálfar 2.flokk karla og 3.flokk kvenna hjá Fjölni en var aðstoðarþjálfari hjá kvennaliði Vals í fyrra. Samkvæmt heimasíðu Fjölnis eru stelpurnar enn þjálfaralausar en Theódór hefur verið orðaður við starfið.
Helena Ólafsdóttir, þjálfari KR, var einnig fjarverandi í gær og Guðrún Jóna Kristjánsdóttir, aðstoðarþjálfari, stýrði KR-liðinu í fjarveru hennar.
Leikurinn hófst fjörlega og Fjölnir sitt besta færi strax á 2.mínútu leiksins. Þá komst Rúna Sif Stefánsdóttir ein á móti Maríu Björgu Ágústsdóttur en skaut boltanum í stöngina.
KR-ingar komust yfir á 5.mínútu þær áttu þá góða skyndisókn og Ólína G. Viðarsdóttir kom boltanum í netið.
Skömmu síðar fengu KR-ingar dæmda vítaspyrnu en Sonný Lára Þráinsdóttir gerði sér lítið fyrir og varði frá Hrefnu Huld Jóhannesdóttur.
Bæði lið voru að spila ágætlega en KR-ingar sóttu meira. Sonný Lára í Fjölnismarkinu átti stórleik og varði eins og berserkur. Hún kórónaði frábæran leik sinn undir lok leiksins þegar hún varði sína aðra vítaspyrnu í leiknum. – Aftur frá Hrefnu.
Heimasíða Fjölnis greinir frá því að Sigurður Ragnar Eyjólfsson landsliðsþjálfari hafi hrifist svo af frammistöðu Sonnýjar að hann hafi boðað hana í landsliðhóp sinn sem æfir nú um helgina.
Athugasemdir
