Sigurvin í leik með FH síðasta sumar.
Sigurvin Ólafsson fyrrum leikmaður FH er gengin í raðir Gróttu en þetta staðfesti hann í samtali við Fótbolta.net í dag.
Sigurvin sem er Vestmannaeyingur hefur leikið með Fram, KR, ÍBV og FH hér á landi og hefur orðið Íslandsmeistari með þremur síðustu liðunum.
,,Ég er alla vegana skráður þarna og ef ég held mér í formi þá spila ég kannski," sagði Sigurvin í samtali við Fótbolta.net
Hann hefur verið að æfa með af og til í vetur. ,,Ég er búinn að vera að æfa slatta en ég er ekki kominn í neitt form," sagði Sigurvin en nokkur lið höfðu samband við hann þegar hann ákvað að hætta í FH.
,,Þau gerðu það á haustdögum en þegar leið á vorið þá áttuðu þau sig á því að það var ekkert að fara að gerast," sagði Sigurvin að lokum í samtali við Fóbolta.net
Grótta eru nýliðar í annarri deild karla en liðið mætir ÍR í fyrstu umferðinni í annarri deild karla annað kvöld
Athugasemdir
