Samuel Eto'o hefur viðurkennt mikinn áhuga á að spila í framlínu Liverpool með Michael Owen. Þessi 22.ára landsliðsmaður Kamerún hefur vakið mikla athygli fyrir góða frammistöðu á Álfumótinu þar sem hann skoraði sigurmarkið gegn Brasilíu. Hann segist geta spilað fyrir hvaða lið sem er, hann hafi sýnt það með Mallorca á Spáni og landsliðinu. Liverpool ætla eitthvað að styrkja sig til að upplifa ekki annað tímabil sem veldur vonbrigðum.