Grétar Rafn Steinsson leikmaður íslenska landsliðsins verður ekki með gegn Hollandi í kvöld ytra. Þetta kom fram í hádegisfréttum Stöðvar 2.
Grétar meiddist á lokamínútum æfingu liðsins í gær og verður ekki með sökum þess.
Þá verður Heiðar Helguson ekki með en hann er einnig meiddur og eru líkur taldar á að Veigar Páll Gunnarsson muni taka hans stöðu.
Leikurinn verður í beinni útsendingu á Stöð 2 Sport og hefst útsendingin kl. 18:15 en leikurinn hefst klukkan 18:45.
Þessar þjóðir hafa mæst 10 sinnum til þessa og hafa Hollendingar haft töluverða yfirburði í þessum viðureignum. Átta sinnum hafa Hollendingar farið með sigur af hólmi en tvisvar hefur niðurstaðan verið jafntefli




