Heimild: BBC
Cesc Fabregas verður ekki með Arsenal gegn Porto í síðari leik liðanna í 16-liða úrslitum Meistaradeildarinnar á morgun.
Fabregas meiddist aftan í læri í 3-1 sigri Arsenal á Burnley um helgina og hann gat af þeim sökum ekki æft í dag.
Arsene Wenger, stjóri Arsenal, hefur núna ákveðið að láta Fabregas ekki spila á morgun.
,,Við getum ekki tekið áhættuna svo að hann verður ekki með," sagði Wenger.
Arsenal tapaði fyrri leiknum gegn Porto 2-1 og liðið þarf því að skora á morgun til að eiga möguleika á að komast áfram í 8-liða úrslitin.
