Norskur framherji æfir með FH í vikunni og spilar æfingaleik gegn Breiðablik á föstudag.
Norski framherjinn Torger Motland kom hingað til lands í dag og mun æfa með Íslandsmeisturum FH fram á laugardag.
Þetta staðfesti Lúðvík Arnarson varaformaður knattspyrnudeildar FH við Fótbolta.net í kvöld.
Motland verður 25 ára gamall 26. mars næstkomandi.
Hann hefur að undanförnu verði á mála hjá Stavanger IF í heimalandi sínu en það lið endaði í 15. og næst neðsta sæti norsku 1. deildarinnar á síðustu leiktíð.
Áður hefur hann leikið með Viking í Stavanger, Riska FK, Sadnes, Ulf og Bryne þar sem hann var á láni tímabilið 2005-2006.
Hann mun spila með FH í æfingaleik gegn Breiðablik á föstudagskvöld.
