Heimild: Heimasíða ÍA
Úr síðasta leik ÍA.
Enski framherjinn Gary Martin skrifaði í gærkvöldi undir samning við ÍA út þetta tímabil. Martin, sem er tvítugur, kemur til Skagamanna frá Middlesbrough á Englandi.
Hann hefur leikið 26 leiki með varaliði Middlesbrough og skorað 17 mörk. Þá lék hann 39 leiki með unglingaliði félagsins og skoraði 19 mörk.
Á síðasta keppnistímabili var hann lánaður um tíma til ungverska liðsins Ujpest FC og skoraði þar tvö mörk í fjórum leikjum.
Möguleiki er á að Martin leiki sinn fyrsta leik með ÍA þegar liðið tekur á móti Fjarðabyggð í fyrstu deildinni í kvöld.
Annar leikmaður sem gæti leikið með ÍA í kvöld er varnarjaxlinn Lárus Orri Sigurðsson en hann æfði með Skagamönnum í gær og verður í leikmannahópnum gegn Fjarðabyggð.
