Nú þegar stærsta ferðahelgi ársins er að hefjast er mikilvægt fyrir þá sem fylgjast vel með boltanum að vita að auðvelt er að fylgjast með Fótbolta.net í farsímum því allar fréttir vefsins uppfærast jafnóðum á farsímaútgáfu vefsins. Þá er einnig hægt að sjá úrslitaþjónustu þar sem staða leikja uppfærist jafnóðum og mörk eru skoðuð.
Farsímavefur Fótbolta.net er á slóðinni m.fotbolti.net. Vefinn, m.fotbolti.net er hægt að skoða í venjulegum netvafra og þannig auðvelt að afrita link á fréttir og með SMS í gegnum vefi símafyrirtækjanna. Símanotandi getur svo smellt á í SMS skilaboðum til að skoða.
Símaútgáfa Fótbolta.net hefur verið opin undanfarin ár en með þessum hætti er til dæmis auðvelt að fylgjast með beinum textalýsingum af öðrum leikjum í deildunum þegar maður er á vellinum, nánari upplýsingar um atvik sem varð í leik sem þú ert sjálf/ur að horfa og svo framvegis. Ómissandi fyrir fólk sem kemst ekki í tölvu en þarf að fá sinn skammt af Fótbolta.net reglulega.
Um helgina lokast félagaskiptaglugginn hér á landi og því spennandi fyrir áhugsama að fylgjast með hvort þeirra félag er að styrkja sig en auk þess eru ensku liðin á fullum í undirbúningi fyrir komandi tímabil og leika áfram æfingaleiki.
Stöðug fréttaþjónusta verður á Fótbolta.net alla verslunarmannahelgina eins og aðra daga ársins.
Þeir sem ekki hafa kunnáttu á að virkja netið í símann sinn geta haft samband við símafyrirtækin og fengið leiðbeningar um slíkt en flest símtæki í dag bjóða upp á að hægt sé að skoða slíka vefi.
