Heimild: Sky
Yuri Zhirkov, leikmaður Chelsea, segist vera að íhuga framtíð sína hjá félaginu. Þessi 27 ára gamli leikmaður getur spilað bæði í vinstri bakverði og á kantinum en hann er á eftir Ashley Cole og Florent Malouda í röðinni eins og staðan er núna.
Talið er að Spartak Moskva og Zenit St. Pétursborg hafi áhuga á Zhirkov en hann ætlar að skoða sín mál í vetur.
,,Ég mun klárlega fá tækifæri á næstu mánuðum og ég mun reyna að nota það vel," sagði Zhirkov.
,,Í vetur veltur þetta síðan allt líklega á hversu mörg tækifæri ég fæ og hvernig ég nota þau. Við erum að spila frábærlega í augnablikinu og að komast fram fyrir Malouda og Cole er erfitt."
,,Allir skilja samkeppnina, þegar þú ert á bekknum þá verðuru þar í langan tíma, en ég mun klárlega fá tækifæri."
