Heimild: Heimasíða ÍA
Dean Martin er aftur genginn til liðs við ÍA
Dean Martin sem lét af störfum sem þjálfari KA á dögunum hefur verið ráðinn í starf afreksþjálfara ÍA til næstu tveggja ára. Dean er ekki ókunnugur ÍA en hann hefur tvívegis leikið með Skagamönnum, síðast á árunum 2005 - 2007. En þetta kemur fram á heimasíðu ÍA í dag.
Í starfi Afreksþjálfara felst þjálfun þeirra leikmanna sem valdir hafa verið í afrekshópa félagsins en um er að ræða drengi og stúlkur á aldrinum 14 til 20 ára. Æfingar fara fram á veturna fyrir skólatíma og felast hvorutveggja í hefðbundnum knattspyrnuæfingum auk þess sem mikil áhersla er lögð á almenna hreysti iðkennda.
Þá mun Afreksþjálfari vera þjálfara meistaraflokks karla til aðstoðar á öllum æfingum og leikjum. Mikill metnaðar er hjá félaginu að haga þjálfun flokksins eins og best verður á kosið og með þessum hætti fá ungir leikmenn félagsins aukin gæði og liðsinni á æfingum. Jafnframt mun Afreksþjálfari koma að þjálfun yngstu iðkennda félagsins.
Samkvæmt því sem Þórður Guðjónsson framkvæmdarstjóri ÍA segir er enn óljóst hvort að Dean muni einnig spila með Skagamönnum næsta sumar.
