Jóhann Ingi Hafþórsson @

Textalýsing Skýrslan Viðtöl

Hvað réði úrslitum? Njarðvíkingar virtust vera þreyttir þegar skammt var eftir enda búnir að leggja mjög mikið í leikinn. Fylkismenn gerðu breytingar sem virkuðu gríðarlega vel og stálu sigrinum í blálokin. Bestu leikmenn 1. Bergþór Ingi Smárason Bergþór var mjög sprækur í sóknarlínu Njarðvíkur í leiknum. Hann var mesta ógn þeirra í leiknum er þeir sóttu og kláraði færið sitt mjög vel. 2. Ólafur Íshólm Ólafsson Hann fékk tækifæri í staðin fyrir Bjarna Þórð í markinu og varði hann tvisvar virkilega vel og í rauninni bjargaði því að Njarðvík kæmist í þriggja marka forrystu. Hann gat lítið gert við mörkunum. Atvikið Sigurmarkið í blálokin hjá Davíð Einarssyni. Ásgeir Örn átti góða fyrirgjöf sem Davíð réðist á og skoraði á nærstöngina. Vel gert hjá Davíð.

Hvað þýða úrslitin? Fylkir er komið áfram í 16 liða úrslit en naumlega þó. Njarðvík geta verið stolltir af frammistöðu sinni en fara þó tómhendir heim. Vondur dagur Fyrir Kristján Hauksson. Þrátt fyrir að hann geti nú fagnað því að vera kominn áfram í bikarnum þá skoraði hann afar klaufalegt sjálfsmark er hann skallaði aukaspyrnu aftur fyrir sig og í bláhornið. Óverjandi fyrir Ólaf í markinu. Dómarinn - 7 Stóð sig vel. Fylkir vildi fá vítaspyrnu nokkrum sinnum og sagði hann nei. Það virtust vera réttir dómar. Það reyndi ekki mikið á Valgeir en hann gerði það sem hann þurfti vel.