Ólafur Ingi Guðmundsson @fotboltinet

Textalýsing Skýrslan

Hvað réði úrslitum? Tvöfalda skiptingin hjá Gunnlaugi Jónssyni, þjálfara ÍA, gerði gæfumuninn í leiknum. Ólafur Valur Valdimarsson og Marko Andelkovic komu inn á og Marko skoraði einungis tveimur mínútum eftir að hann kom inn á. Marko og Ólafur Valur áttu svo virkilega góða innkomu og frískuðu upp á sóknarleik ÍA þegar þess þurfti. Bestu leikmenn 1. Þórður Þorsteinn Þórðarson (ÍA) Þórður Þorsteinn átti virkilega góðan leik í dag. Hann átti sinn þátt í fyrra markinu og lagði það seinna upp. Hann var einnig öflugur í vörninni og bjargaði frábærlega í eitt skiptið þegar Leiknismenn hefðu átt að skora jöfnunarmarkið. 2. Ármann Smári Björnsson (ÍA) Ármann Smári var mjög traustur í hjarta varnar ÍA. Hann skallaði nær alla bolta í burtu og bjargaði ennfremur oft með góðum tæklingum. Atvikið Rangstaðan sem var dæmd á Leiknismenn á 78. mínútu þegar Danny Schreurs kemst einn í gegnum vörn ÍA og skorar með því að vippa boltanum yfir Árna Snæ í markinu. Leiknismenn voru brjálaðir yfir ákvörðun aðstoðardómarans þar sem þetta hefði verið jöfnunarmark Leiknis en hann stóð við sína ákvörðun og skömmu síðar kláruðu Skagamenn leikinn.

Hvað þýða úrslitin? Úrslitin þýða að Skagamenn eru komnir úr fallbaráttunni í bili og eru í áttunda sæti deildarinnar, sex stigum frá fallsæti. Þeir halda áfram góðu gengi sínu og hafa unnið sér inn sjö stig í síðustu þremur leikjum. Leiknismenn halda áfram miklu ströggli í fallbaráttunni. Þetta var leikur sem þeir máttu helst ekki tapa en það þýðir að þeir eru ennþá í fallsæti, stigi á eftir Eyjamönnum. Vondur dagur Þetta var ekki sérstaklega góður leikur hjá sóknarmönnum Leiknis. Þeir áttu vissulega sína spretti, sérstaklega í seinni hálfleik, en sjaldan náðu þeir að ógna vörn ÍA svo einhverju næmi. Dómarinn - 7.0 Vilhjálmur Alvar Þórarinsson átti ágætan leik og dæmdi þennan leik af festu.