Ragna Björg Einarsdóttir

Fjolla Shala ('64)

Sonný Lára Þráinsdóttir

Telma Hjaltalín Þrastardóttir ('76)

3. Arna Dís Arnþórsdóttir

4. María Rós Arngrímsdóttir

6. Aldís Kara Lúðvíksdóttir

10. Jóna Kristín Hauksdóttir ('64)

22. Rakel Hönnudóttir

23. Fanndís Friðriksdóttir

28. Guðrún Arnardóttir

16. Selma Líf Hlífarsdóttir (m)

6. Rakel Ýr Einarsdóttir

18. Ella Dís Thorarensen ('76)

19. Kristín Alfa Arnórsdóttir

25. Ingibjörg Sigurðardóttir ('64)

27. Selma Sól Magnúsdóttir

Andrea Rán Snæfeld Hauksdóttir

Breiðablik reyndist ofjarl Skagastúlkna

Stelpurnar í Breiðabliki tóku á móti stöllum sínum frá Akranesi í næstsíðustu umferð Pepsi-deildar kvenna nú í dag. Breiðablik átti enn tölfræðilegan möguleika á sigri í deildinni en til þess þurfti liðið að vinna báða sína leiki og treysta á að Stjarnan tapaði báðum sínum. Skagastúlkur voru fallnar fyrir leikinn og enn að leita að sínum fyrsta sigri í sumar.

Sá sigur fannst ekki í dag. Gestirnir beyttu öguðum varnarleik og reyndu að sækja hratt þegar færi gafst. Þau færi voru ekki mörg og runnu oftar en ekki út í sandinn á ögurstundu. Úrslitasendingarnar eða síðustu snertingarnar voru ekki nógu góðar.

Grænklæddar heimastúlkur stýrðu ferðinni að mestu án þess þó að skapa sér teljandi færi. Þær höfðu aðeins ógnað með langskotum áður en fyrsta mark leiksins leit dagsins ljós um miðbik hálfleiksins. Það skoraði fyrirliðinn Rakel Hönnudóttir með skalla eftir fyrirgjöf Örnu Dísar Arnþórsdóttur.

Undir lok fyrri hálfleiksins fékk Breiðablik vítaspyrnu. Vítaspyrnudómurinn sjálfur var réttur en spurning er hvort Kópavogsstúlkur hefðu átt að fá að halda sókninni áfram svo lengi þar sem Aldís Kara Lúðvíksdóttir virtist handleika boltann í aðdraganda brotsins. Fanndís Friðriksdóttir fór á punktinn og átti ekki í neinum vandræðum með að skora.

Síðari hálfleikur var nokkuð áþekkur þeim fyrri nema ÍA hætti sér aðeins framar á völlinn og voru beinskeittari en í fyrri hálfleik. Það vildi oft skilja eftir glufur í vörninni sem gestirnir nýttu sér og sköpuðu sér nokkur góð marktækifæri. Flest þeirra strönduðu hins vegar á Ástu Vigdísi Guðlaugsdóttur, markverði ÍA sem er í láni frá Breiðablik, en Ásta átti stórgóðan leik í markinu og varði allavega í fjórgang dauðafæri heimastúlkna.

Hún kom þó engum vörnum við þegar tíu mínútur voru eftir af leiknum. Þá skoraði varamaðurinn Andrea Rán Snæfeld Hauksdóttir með skoti af stuttu færi eftir hornspyrnu. Undir lok leiksins náðu gestirnir svo að klóra aðeins í bakkann með marki Guðrúnar Karítasar Sigurðardóttur en nær komust þær ekki.

Hjá Breiðabliki var enginn sem skaraði áberandi fram úr. Allir leikmenn skiluðu sínu dagsverki með sóma og þetta var réttnefndur liðssigur. Hann hefði getað orðið stærri en Ásta reyndist framherjum liðsins sannkallaður Þrándur í Götu.

Líkt og áður hefur verið komið inn á var Ásta Vigdís besti leikmaður gulklæddra. Aðrir leikmenn geta gengið sáttir frá borði. Vörnin og miðjan skilaði sínu hlutverki með ágæti og Guðrún Karítas virtist alltaf líkleg til að gera eitthvað er boltinn barst til hennar framarlega á vellinum.

Að leik loknum fengu stelpurnar í Breiðabliki silfurpening um hálsinn en úrslitin í leik Stjörnunnar og Aftureldingar reyndust þeim ekki hagstæð.

1. Ásta Vigdís Guðlaugsdóttir (m)

Eyrún Eiðsdóttir ('46)

Helga Sjöfn Jóhannesdóttir ('45)

5. Aníta Sól Ágústsdóttir

10. Bryndís Rún Þórólfsdóttir (f)

11. Emilía Halldórsdóttir ('90)

13. Birta Stefánsdóttir

13. Valdís Marselía Þórðardóttir

17. Unnur Ýr Haraldsdóttir

19. Alexandra Bjarkadóttir

23. Guðrún Karítas Sigurðardóttir

1. Vilborg Júlía Pétursdóttir (m)

3. Alexandra Björk Guðmundsdóttir ('46)

7. Elínborg Llorens Þórðardóttir ('90)

8. Gréta Stefánsdóttir ('45)

9. Karitas Eva Svavarsdóttir

21. Guðný Björk Proppé

Hrafnhildur Arín Sigfúsdóttir