Byrjun Leiknis var það sem skilaði þeim öllum stigunum í hús. Liðið komst í 2-0 eftir rúmlega 10 mínútna leik og þá var ekki aftur snúið. Liðið sýndi engin veikleikamerki og það var ekki að sjá að Leiknismenn væru að leika sinn fyrsta leik í efstu deild. Vel skipulagðir og í góðum gír, þjálfararnir settu leikinn hárrétt upp.

Mark Kolbeins Kárasonar gegn sínum gömlu félögum sem braut ísinn. Kolbeinn fagnaði af ákefð enda mættur í Leikni til að sýna að hann er betri heldur en margir Valsmenn töldu en á Hlíðarenda var hann oft notaður sem varaskeifa. Öflug frammistaða hjá honum og sögulegt mark. Fyrsta mark Leiknis í efstu deild.

Nýliðarnir eru komnir á toppinn. Nældu sér í sín fyrstu stig í efstu deild frá upphafi. Valsmenn sýndu að Ólafur Jóhannesson þjálfari hafði líklega rétt fyrir sér þegar hann talaði um að liðið væri ekki nægilega gott til að gera einhverja hluti í sumar.

Valsliðið komst hvorki lönd né strönd gegn nýliðunum og voru hreinlega arfadaprir. Margir Valsmenn í stúkunni hristu hausinn enda var liðið einfaldlega étið af andstæðingum sínum.

Reyndi lítið á hann í leiknum. Þrjú gul spjöld fóru á loft og áttu þau öll rétt á sér. Valgeir kemur vel undan vetri.