Daníel Geir Moritz @DanelGeirMoritz

Textalýsing Skýrslan Viðtöl

Hvað réði úrslitum? Það sem réði eiginlega úrslitum var að Sveinn Fannar Sæmundsson fiskaði vítaspyrnu sem Brynjar Jónasson skoraði af öryggi úr og kom gestunum í 1-3. Við þetta mark minnkaði stressið hjá Fjarðabyggð sem virkuðu mjög óskipulagðir í lok fyrri hálfleiks en gátu varist af yfirvegun eftir þetta og Grindvíkingar voru örvæntingarfullir í sínum sóknaraðgerðum eftir það en náðu að skapa sér þó nokkur góð færi. Bestu leikmenn 1. Kile Kennedy Varði nokkrum sinnum ótrúlega og hélt Fjarðabyggð í leiknum. Hefði mögulega átt að fá rautt spjald þegar hann virtist sparka í leikmann Grindavíkur en fékk fyrir þetta gult og víti dæmt á sig. Kile var nálægt því að verja vítið en þrátt fyrir þetta var hann magnaður í leiknum. 2. Brynjar Jónasson Hér hefði verið hægt að setja Bjarna Mark Antonsson, Stefán Þór Eysteinsson og mögulega Jesus hjá Grindavík en erfitt er að horfa framhjá Brynjari sem setti tvö mörk. Hið fyrra var lagleg afgreiðsla yfir markmanninn og síðara gríðarlega öruggt víti. Atvikið Mig langar helst að skrifa: Fyrri hálfleikur. Hvað gerðist ekki eiginlega? Atvikið var þó þegar Kile virtist sparka í leikmann Grindavíkur og hefði þá átt að fá rautt spjald. Hann fær mann á móti sér þegar hann grípur boltann og hafði verið með hnéð á undan sér eins og markmenn gera til að vernda sig. Eftir það réttir hann síðan úr fætinum og virtist sparka í leikmann Grindavíkur sem féll með tilþrifum.

Hvað þýða úrslitin? Markmið Tommy Nielsen að vinna alla heimaleiki er farið strax í fyrstu umferð og hljóta úrslitin að vera þeim mikil vonbrigði. Fjarðabyggð hefðu ekki getað fengið betri byrjun nema þá ef þeir hefðu sloppið við að missa Milos í leikbann. Vondur dagur Ingvar Ásbjörn Ingvarsson var mjög slakur í vinstri bakverði Fjarðabyggðar og fíflaði Magnús Björgvinsson hann trek í trek í fyrri hálfleik. Ingvar var tekinn út af í hálfleik en það má koma fram að þetta er ekki sú staða sem Ingvar spilar vanalega. Marko Valdimar Stefánsson var einnig slakur. Dómarinn - 7 Hann fékk hreint ekki auðvelt verkefni en komst vel frá því. Það væri gaman að heyra hans svar við því af hverju markmaður Fjarðabyggðar var ekki rekinn út af fyrst hann dæmdi á hann. Einnig hefði Milos mögulega átt að fá beint rautt stuttu áður en hann fékk sitt síðara gula spjald. Leikurinn flaut þó vel og stóð Gunnar sig vel.