Matthías Freyr Matthíasson @mattimatt

Textalýsing Skýrslan

Hvað réði úrslitum? Skalli Garðars Gunnlaugssonar var augljóslega það sem réði úrslitum. Garðar hefur nú skorað fjögur mörk á móti Leikni í síðustu þremur leikjum liðanna og líður greinilega vel í Breiðholtinu. Um var að ræða iðnaðarleik þar sem fallegur fótbolti var lítt sjáanlegur og gat þetta dottið báðum m Bestu leikmenn 1. Arnór Snær Guðmundsson Miðvörðurinn ungi í liði skagamanna var öruggur í sínum aðgerðum og spilaði virkilega vel. Verður fróðlegt að fylgjast með honum í sumar. 2. Árni Snær Ólafsson Markmaður ÍA er orðinn þrusumarkmaður og hefur greinilega haft gott að því að hafa Gumma Hreiðars sem sinn mentor í vetur. Öruggur í öllu sem hann gerði. Atvikið Fyrsti heimaleikur Leiknis í efstu deild og þeir gerðu vel. Gengu ungir iðkenndur með rætur til yfir 20 þjóðlanda inn á völlinn með leikmönnum. Stuðningsmenn Leiknis, Leiknisljónin fylltu stúkuna og sungu og trölluðu allan leikinn. Flott umgjörð og vel gert í alla staði.

Hvað þýða úrslitin? Úrslitin þýða það að báðir nýliðarnir eru komnir á blað með sigur í Pepsí deildinni 2015 og hlýtur það að vera ágætis punktur fyrir framhaldið hjá báðum liðum. Vondur dagur Elvar Páll Sigurðsson hefur leikið undir væntingum í fyrstu leikjum mótsins. Lykilmenn Leiknis geta betur. Hilmar Árni fékk fín skotfæri og átti að setja mark í kvöld og Eyjólfur markvörður leit ekki vel út í markinu sem ÍA skoraði. Dómarinn - 8 Erlendur átti fínan leik. Leyfði boltanum að rúlla og var agaður og sanngjarn í sínum aðgerðum.