Ég fullyrði það að ef ekki hefði orðið fyrir vítaspyrnudóm Valgeirs undir lok leiksins hefði þessi leikur farið 0-0. Því er það markið sem Þórir Guðjónsson skorar úr vítaspyrnunni það sem ræður úrslitum í bragðdaufum fótboltaleik.

Án nokkurs vafa er vítaspyrnudómurinn á 81. mínútu það atvik sem stendur upp úr í þessum tíðindalitla fótboltaleik.

Fyrir Fjölnismenn þýðir þessi sigur að liðið situr í þriðja sæti deildarinnar með 7 stig eftir fjórar umferðir sem verður að teljast gott fyrir Grafarvogsliðið. Fyrir Kristján Guðmundsson og lærisveina hans er þetta þriðja tapið á blaði, en það fjórða ef við horfum á spilamennsku liðsins (þar sem tvö lögleg mörk voru dæmd af Blikum í síðustu umferð gegn Keflvíkingum.)

Kristján Guðmundsson fær þennan titil fyrir að bera ábyrgð á spilamennsku liðs síns í síðari hálfleiknum sem og að skipta út þeirra sprækustu mönnum þegar leið á leikinn. Keflvíkingar komu mjög áhugalausir inn í seinni hálfleikinn og höfðu Fjölnismenn yfirhöndina nánast allar síðustu 45 mínúturnar

Vítaspyrnudómurinn virtist réttur og Valgeir átti ekki í erfiðleikum með að hafa góð tök á leiknum. Sanngjarn og solid.